¿Vieren eses semeyes de les urnes qu'en Crimea van llevando de casa en casa pa que los habitantes de la península pudiesen cumplir col preceptu del votu pascual esti domingu? ¿Viérenles? ¿Ven a eses vieyines o a esos paisanucos que reciben n'antoxana la urna cola devoción debida y cola devoción debida cumplen col preceptu democráticu? Pues a mí recordárenme'l vieyu ritu de les Vírxenes que se llevaben de casa en casa -entovía se lleven, pero malapenes- endolcaes nel so fanalín de cristal pa que cada devotu (normalmente devota, anque non siempre) pudiere cumplir en casa coles sos obligaciones y les sos devociones, anque tuviese impedíu y nun pudiere salir del llar. D'esa mena, la Ilesia, siempre atenta al bien de los fieles, proporcionába-yos, en serviciu a domiciliu, los aperios pa evitar la condenación eterna. Asina en Crimea, asina'l buenu de Putin.
Por cierto, como profeta nun valgo un res. Siguen ensin atascase les calles de manifestantes contra la invasión de Crimea.
No hay comentarios:
Publicar un comentario