Enquivoquéme. Anunciara un colapsu xeneral del tráficu durante toa esta selmana, tanto n'Asturies como n'España y nun hubo nada.
Yo pensaba que, darréu de la invasión de Crimea polos rusos, diben enllenase les cais de manifestantes, yá que somos un país tan sensibilizáu con tantes coses y que nun paramos de salir a les places pa too, hasta pa pedir la xusticia universal.
Dense cuenta de que nin siquier en Xixón ocuparen la plaza El Parchís, una plaza que se enllena una selmana sí y otra non, pa protestar escontra'l PP y Rajoy. Porque de xuro que de lo d'Ucrania dalguna culpa tienen dambos, PP y Rajoy, y que fue eso lo qu'obligó a Putin a invadir Crimea pa defender a los ucranianos en xeneral y a los crimeanos en xeneral.
Asina que, fecha la palinodia, disculpes.
No hay comentarios:
Publicar un comentario