La celidonia menor, (Ranunculus ficaria, sinónimu: Ficaria verna) ye una planta herbácea perenne de porte pequeñu, con fueyes brillantes ensin pelos, con forma asemeyada a corazones. Pertenez al xéneru Ranunculus dientru la familia Ranunculácees. Tamién se llama herba de les almorranes darréu d'unos engrosamientos nes sos raíces que recuerden les almorranes.
Tien 7 ó más pétalos (hasta 20) de color mariellu brillante.
Atópase n'herbazales nitrófilos, en sitios asolombrados y frescos, sobre too nes veres de regatos y zones húmedes. Desurde en toa Europa y nel oeste d'Asia.
Durante munchu tiempu emplegóse para curiar les hemorroides, pola forma asemeyada de les sos raíces cola forma les almorranes, por razones de maxa simpática (Doctrina de los signos).
No hay comentarios:
Publicar un comentario