Yá saben l'últimu episodiu cómicu de la parexa Zapatero-Moratinos: viéndose col dictador Castro en La Habana, saltando les más elementales normes de respetu democráticu y diplomáticu con respectu al so país, España.
Esta vegada faltaba Bono, que los acompañara había unos meses a entrevistase col dictador Obiang en Guinea. Bono, ensin embargu, acompañó a Zapatero na entrevista con Iglesies.
En fin, nótase-yos que-yos gusta entrevistase con dictadores.
Dicen que ye too un asuntu de negocios, qu'actúen de conseguidores.
Como quier que sea, nun dexen de ser lo que siempre fueren: aficionaos a cantar dende les mui primeres hores de la mañana -como dixe dende'l primer día que Zapatero apaeció na escena pública- y unos chisgarabís.
Cómo sería la cosa en Cuba que Moratinos corrió a llamar a Margallo pa deci-y, como un ñeñu al que lu pescasen col tarru la miel, "que nun diba volver pasar".
Lo que nun quita que, además y polo visto, detrás del "crimen" hebia non el cherchez la femme, sinón el cherchez l'argent.
No hay comentarios:
Publicar un comentario