ASTURIES, MARZU DE 2015
A los medios de comunicación:
Llamentándolo munchu nun nos vamos presentar, de forma xeneral, a estes elecciones municipales y autonómiques.
La razón ye evidente: les condiciones actuales son permales pal asturianismu; la inversión económica mínima pa llegar con perfil propiu al electoráu non baxaría nestes circunstancies de varios cientos de miles d’euros, cantidá del tou inalgamable pal Partíu Asturianista.
Per otru llau, la marea l’atención ta centrada nestos momentos notres fuerces polítiques; n’Asturies, como siempre, fuerces polítiques centraliegues, que poco tienen que ver col asturianismu.
Nestes condiciones, preferimos nun decepcionar a los nuestros simpatizantes con un mal resultáu, lo que, per otru llau, vien preservar el patrimoniu la nuestra imaxen.
Polo demás, el PAS sigue: seguimos aconceyándonos, faciendo actos, opinando y resistiendo a la espera d’una meyor coyuntura nel futuru.
Y, per otru llau, en dalgunos conceyos onde les condiciones son más favorables vamos presentanos, y sofitar con tolos medios posibles y tol entusiasmu a los nuestros candidatos.
Agradeciendo les sos atenciones
El Secretariu Xeneral
Xesús Cañedo Valle
No hay comentarios:
Publicar un comentario