Acabo de ver un debate nel plenu l'Ayuntamientu d'Avilés ente Xune Elipe (¿llámase de verdá Xune?, porque la mayoría de los asturianistes van de nomatu, enxertos ehí los más "piqueros") y la socialista Yolanda Alonso (una rapaza llista, con un gran futuru en política) sobre promoción de los escritores asturianos en conceyu Avilés.
El debate, interesante. Pero nun nun quiero agora falar del debate, sinón apuntar cómo quedé esteláu al ver a Elipe argumentar el sofitu llegal a la so propuesta na Llei d'Usu y Promoción del Asturianu. Plasmo, abluco, estelo, cliso, ábrenseme les carnes. Igual que cuando afinca nella l'Academia pa defender les sos propuestes, lo que fai davezu, o cuando lo fai tantos y tantos enfotaos na llingua.
¿Y por qué me pasa eso? Porque toos ellos, sin escepción, calificaren de "mierda" ensin paliativos la llei del PAS (que del PAS ye, y de la so voluntá, esa Llei) y punxérennos a parir por ella, llegando a rebuznanos de "traidores".
Como diximos nel so día, nun diba haber más -polo menos en munchu tiempu- sofitu llegal qu'esi; y asina ye. Por eso agora, viéndolos (a toos, ensin escepción) apoyase nesa Llei (únicu sofitu llegal pa munches coses, y llei mui valiosa con gobiernos que quieran ponela en práctica), cliso, estelo, abluco, plasmo, ábrenseme les carnes.
(Sobre la intelixencia política y social del autodenomáu asturianismu nun digo nada).
No hay comentarios:
Publicar un comentario