La oda 11 d'Horacio (carpe diem)

TORNA DE LA ODA 11 DEL LLIBRU I DE QUINTO HORACIO

A Leuconoe

Non xurgues nes estrelles nin nes cartes 

Por saber el final de mio o tuyu: 

Meyor será acostinar con ello 

Según cuadre: yá nos pinte iviernos 

Tres iviernos, yá sea’l percaberu 

Esti qu’agora ruempe y esfilacha 

La cantábrica mar contra les peñes. 

Ten xuiciu, dexa posar la madre 

de la sidre, encierra’l vuelu llargu 

de los sueños nel curtiu aire del puñu: 

Mentantu que falamos, enemiga, 

cuerre hacia atrás la vida. Vive güei 

lo de güei: nun t’enfotes na esperanza 

qu’anuncia les sos gracies pa mañana.

El testu llatinu:

                                      Tu ne quaesieris (scire nefas) quem mihi, quem tibi
                                      finem di dederint, Leuconoe, nec Babylonios
                                      temptaris números. Vt melius quicquid erit pati!
                                      Seu plouris hiemes seu tribuit Iuppiter ultimam,
                                      quae nunc oppositis debilitat pumicibus mare
                                      Tyrrhenum, sapias, vina liques et spatio brevi
                                      spem longam reseces. Dum loquitur, fugerit invida
                                      aetas: carpe diem, quam mínimum crédula postero.