Nun quiero facer más qu'una consideración sobre l'aplicación del 155, refierse a les crítiques pol curtiu tiempu nel que s'aplica: dende la disolución del Gobiernu de la Generalitat y del Parlamentu hasta'l próximu xueves, malapenes un par de meses.
Al mio entender yera la única solución posible: seguramente hai informes xurídicos que despliquen que'l Gobiernu, al través del Senáu, pue disolver el Gobiernu d'una comunidá pa poner en rumbu derechu l'Alministración d'esa comunidá; pero que nun pue disolver el Parlamentu.
Si ye asina, y yo creo que ye asina, que nun pue interpretase d'otra forma'l 155, hai qu'entrugase qué diba pasar si, intervenida l'Autonomía y llevando'l Gobiernu central l'Alministración, tuviesen los xestores que convivir con un parlamentu funcionando, que, día a día, taría tomando decisiones contraries al nuevu gobiernu operativu, presentando mociones de censura, etc.
No hay comentarios:
Publicar un comentario