Axenuz (Nigella sativa, de la familia de les Ranunculácees). Ye una planta anual, con tallu erectu, rames de 30 a 60 cm d'altura, de color verde, les flores de color llixeramente violeta, masque, de la que crecen, los pétalos superiores son ablancazaos; tien un arrecendor apaecíu al de la nuez moscada. La cápsula ye, de mano, verde y, de la que maurez, parda. La simienta de la cápsula ye de color gris oscuro.
La simienta tien: saponósidu (melantina); aceite esencial (nigelona); principiu amargu (nigelina); tanín.
Los romanos emplagábenla como sustitutu la pimienta (en catalán llámase "pebreta", en gallegu "aliprive" y "comiño negro"). N'Alemania úsenla pa condimentar panes y tortes. Paez qu'ayuda a esaniciar l'ácidu úricu. Ye llixeramente tósica.
En tou casu, amiren la belleza les flores.
La semeya, del 21/05/11.
No hay comentarios:
Publicar un comentario