 |
| Ehí tienen parte los malvaos mercaos que nos llevaren a la ruina. Los que falten na semeya son los que lo pedíen y plaudíen, ensin querer saber nada de la realidá, los ciudadanos. |
Ún de los mayores restallones de toles tiempos na atención de la opinión pública acaba d'españar, l'esaniciu del AVE ente Toledo, Cuenca y Albacete, porque llevaba ¡16 persones! diaries. 9 ente Toledo y Albacete y 7 ente la capital castellano-manchega y Cuenca (como si envede dir a la ciudá encantada fuese él mesmu un tren encantáu).
3,2 millones d'euros llevaben gastaos (tiraos, en realidá) dende'l pasáu mes d'avientu, 18.000 euros diarios, a 1.200 euros por pasaxeru.
De mou que, otra vegada, y ensin que se vea cómo puede ser la culpa de los malvaos mercaos, equí vemos palpuñatiblemente otru de los raigones de la nuestra crisis: el dineru que, col aplausu y la demanda de toos y caún de nós, tiramos ente toos, avezaos como tamos a pensar que'l dineru nun esiste, que la realidá tampoco y que qué son los problemes futuros si nós queremos un AVE agora.
Por cierto, entamen a da-y una vueltuca a la cuestión y amiren p'Asturies. ¡Por favor!
No hay comentarios:
Publicar un comentario