Una llanisca de Piñeres de Pría, Dolores Sánchez Buergo, "La Galana". La so poesía enmarcase dientro lo que podemos llamar "poesía tradicional", na llinia la poesía del preSurdimientu: ye una poesía cronística y descriptiva de mena llocal, pero esos condicionamientos temáticos y de perspectiva nun impiden que sea una bona y prestosa poesía.
En metru regláu toda (pentasílabos, exasílabos, heptasílabos, octosílabos) y combinaciones variaes (romances d'ocho y cinco versos, romances d'exasílabos, estrofes de cuatro versos con delles estructures), el versu fluye ensin pilancos nin reblagos, el so léxicu ye ricu y precisu, el ritmu afayaízu. Y, pese a eses constricciones temátiques de los cronístico y lo llocal, hai n'ocasiones momentos d'aciertu espresivu y d'emoción (de sentimientu la naturaleza, patriótica) que desurde perriba los tópicos o la llimitación de la visión del mundu poéticu.
El llibru, Goteras d'Orbayu, ta editáu por Trabe en 2003. La mesma editorial asoleyó-y en 2001 otru poemariu, Manoyos escoyíos.
Recomendáu.
Dos exemplos de dos poemes. El primeru del poema "El segador", el segundu, de "Pueblinos míos "
Dos exemplos de dos poemes. El primeru del poema "El segador", el segundu, de "Pueblinos míos "
No hay comentarios:
Publicar un comentario