Gabino de Lorenzo apaeció'l miércolos, día 9, na TPA faciendo unes declaraciones sobre'l PP: pidiendo un congresu abiertu, falando de los muertos que taben censaos, llamando discretamente "vieya" a Mercedes Fernández ("non-y pediré'l carné porque soi un caballeru"), proponiendo a Caunedo como presidente futuru del PP y otres coses.
Na so respuesta, Mercedes Fernández dio una llarga cambiada a les declaraciones de don Gabino, calificándoles de "propies d'él" y "burbujeantes".
Pa completar el significáu d'eses palabres convién ver el videu de les declaraciones: el verbu arrastráu de don Gabino, los sos güeyos zarramicos, la llentitú del so discursu. Eso de "burbujeantes" merez un diez. Si non è vero, è ben trovato
No hay comentarios:
Publicar un comentario