El productu interior brutu amenorgó n'Asturies un 3,7%. Nun se conoz un amenorgamientu talu dende qu'existen estadístiques homoxénees al respective.El nuestru país fue la sexta comunidá autónoma que más amiyó d'ente les diecisiete.
De la cadarma d'esi deterioru del PIB destaca l'aportación al mesmu de l'amiyamientu industrial (un 17,2%).
Esos datos vienen demostrar nun sólo la pésima marcha la nuestra economía y la forma na que s'esbarafundió'l la imalia de dineru que nos viniera del estáu y d'Europa, sinón les mentires permanentes del PSOE, d'Areces y del so equipu de gobiernu, de la FSA y Javier Fernández, d'IU, CCOO y UGT.Afitaben ellos qu'Asturies, dempués de los alcuerdos ente sí y de los sos gobiernos, taba meyor fornía qu'otros pa caltenese metanos de la crisis; sopelexaren que la nuestra cadarma industrial dábanos veru y abellugu escontra la truena; punxérense, inclusu, a glayar que "Asturies diba lliderar la recuperación n'España" (¡Tararí, tararí! !Que llega Areces-Pelayu pa salvar al carbayón y al playu!).
¡Cuentos chinos! O sea, ¡cuentos "progresistes"!
TA CLARO QUE NIN IU NIN EL PSOE SON EL PROBLEMA, PERO, DENDE LLUEU, SON PARTE DEL PROBLEMA, Y EN NINGÚN CASU SON PARTE LA SOLUCIÓN.
Asina que, amigos y ciudadanos, asturianos y asturianes, espabilái, que nun queden más díes que los que veis nel contador d'equí al delláu.
1 comentario:
Xuanxo ties que lleer l'artículu de Ramón d'Andrés tituláu "La Llei d'Usu y l'asturianismu" qu'aparez en Les Noticies (na edición escrita) dexa nidio como mos dieron d'osties.
Anque de xuru que yá lu lleiste.
un abrazu
Publicar un comentario