Yá saben: hasta fai un mes Chipre taba gobernáu por un gobiernu comunista. Durante esi tiempu, el sistema bancariu chipriota algamó a ser el 60% del PIB, a base de convertise nun paraísu fiscal, pagar lo que naide pagaba y nun mirar de ónde veníen los fondos que s'abellugaben nes cuentes.
La mayoría d'esi dineru provién de Rusia, y son perres d'orixen "escuru", esto ye, ente pirata y mafioso.
Yera ensin dulda una muestra de la solidaridá internacionalista: un gobiernu comunista y "moruxa" de Rusia, una de les patries d'esa relixón.
Por ciertu 1: Muncha xente andaba perihí presumiendo de lo bueno que yera tolo de Chipre, yá que lu gobernaba un "exemplar" gobiernu comunista.
Por ciertu 2: ¡Hai que ver cómo anda Putin con que-y quiten (o-yos quiten) los fondos a los sos rusos! ¡Como les abeyes a les que l'osu-yos esmielga la miel del caxellu!
No hay comentarios:
Publicar un comentario