Una rosácea que nun sé cuála ye. De la que salgan los frutos verélo, si non ye que daquién m'informa. Son tres árboles, d'arrecendor melguerísimu a dellos metros. Estes semeyes son del 14/02/13, que yera xueves. Cuando volví'l domingu 17, los árboles perdieren parte importante la so fueya, anque, quiciabis pola situación climática (camudara'l tiempu y taba orbayando). El martes, 19 volví. La flor andaba asemeyao al día 17. Volvía arrecender melguero a dellos metros de los árboles.
No hay comentarios:
Publicar un comentario