Ir (una cosa) a ser morica
Pintar mal una cosa, anunciar penes o dificultaes daqué: (falando, por exemplu sobre les perspectives d'un iviernu tres un veranu onde hubo mala collecha o poca herba):
"Va ser morica".
Pasales torniaes
Anunciase dificultaes, peligros o trabayos, a habelo pasao:
"Pasóles torniaes pa sacar el carru d'aquel folleru"; "Pasales torniaes pa paga-yos la carrera a los fíos".
Nun ver sebe (sebia)
Ir ciegu nuna dirección, ensin ver peligros, pilancos, dificultaos o inconvenientes:
"(Pepín) nun ve sebe: igual-y da tener créditu o non, o que les coses del turismu nun se presenten bien estos caberos años. Él ta dispuestu a abrir el negociu, y ábrelu".
Ser poco'l Rei pa torna-y los gochos (a ún)
Ser ún mui orgullosu o mui creíu, y pensar que ta perriba los demás:
"Non, non, él nun se trata con ningún que los vecinos. ¿Qué pienses? Ye poco'l Rei pa torna-y los gochos".
No hay comentarios:
Publicar un comentario