Vo meteme en camisa d'once vares, nun solo pol tema, que siempre ye esboligosu y afuracanen les pasiones cuando se lu toca, sinón porque nun soi yo lo que se diz un péritu na cuestión; pero, con too vamos decir daqué cosa al respective del Sporting.
1. ¿Que clase de profesionales son esos que tolos años (miren p'atrás, si non) hai unos cuantos partíos nos que, al entamar o al escomencipiar el segundu tiempu salen a veles venir o, en palabres suyes, "ensin tar enchufaos", o sea, apigazando? ¿Qué creen que son la selección brasileira, que-y basta (o bastaba) con unos pases pa ganar el partíu? Y, por cierto, ¿en too esto nun tienen nada que ver l'entrenador, la directiva y l'ambiente?
2. ¿Nun será hora de dir viendo que tolos equipos de Preciado -nun solo'l Sporting, enantes, per exemplu, el Santander- son equipos desorganizaos, partíos pel mediu, descontrolaos na defensa y que xueguen al TPA (non a la TPA, non, al Tira Pa Lantre), al devalu, al aventala?
3. Y, por cierto, ¿qué clase de profesionales son esos que nun son capaces de dar un pase al pie del compañeru, y, si-yos lu dan, de controlala y matala, y que malamente son capaces de desmarcase pa facilitar el pase?
4. Finalmente, ¿qué pasa con Canella, que ye un coladeru dende qu'entamó esta lliga? ¿Nun tien sustitutu?
1 comentario:
Toi bastante d'alcuerdu contigo Xuan, pero lleves unos díes ganando amigos....
Publicar un comentario