L'Ayuntamientu Xixón presume de "disponer ya de más de veinte kilómetros de carriles para bicicletas".Hai que decir que parte d'ellos débense al Plan-E y otros planes de Zapatero, esos planes polos que, dempués del despilfarru de perres en naderíes, conxelaren les pensiones, baxaren sueldos a los funcionarios, subieren l'IVA y van subinos l'IRPF, aparte otros impuestos más.
De mou y manera que ¡bien caru pagamos el metru de carril-bici! Pero, ap
arte d'ello, ¿podría decinos l'Ayuntamientu de Xixón cuála ye la ocupación por metro cuadráu y hora d'esos carriles bici? O, cenciellamente, ¿cuántes bicicletes circulen al día por cada kilómtru d'esos carriles que quiten espaciu nes aceres pa que les bicis sigan circulando poles aceres ensin que se sepia que nin una vez los muncipales tangan siquiera alvertío a un ciclista?
2 comentarios:
Igual si esos carriles bici nun s'utilicen ye porque hai 20 quilómetros namái y nun se pue mover ún llibremente per Xixón en bici...
Un quilómetru de carretera o d'autopista nun val pa nada, si nun se pue dir a nengún sitiu per él... Lo suyo sedría qu'instalaren munchos más carriles bici, nun ye daqué difícil de facer de la que s'asfalten les cais nueves o s'enanta un barriu o una zona nueva...
Ye muncho más ecolóxico, muncho más sano, muncho más seguro.. ... nun país como Asturies onde precisamente la calidá del aire nun ye la meyor con tantu ciclu combináu y tanta mierda
Queríu Xuan: Muncho siento tener que dicite que nesti casu falles el tiru. Gracies a los carriles bici de Xixón yo volví garrar la bicicleta (yá nun m'alcuerdo de los años que facía que nun montaba nuna) y salgo tolos díes colos mios fíos, mesmo pa dar una revolada que pa dir pa la playa o dir mercar la cebera. Precisamente ayeri atopé en Parque de Moreda al to cuñáu y primu míu nel mesmu plan (¡con cascu y tou!). De verdá que ye un gran aciertu y diba ser ideal poder dir per tola ciudá ensin dar tufu y atronicar.
Un abrazón.
XNR
Publicar un comentario