Anque munches hortensies yá se secaren o afogueraren col calor, El Foyu conserva un hortensial perestensu con munchu puxu y verdor.
Por cierto, nel pasáu xugábense n'El Foyu -al pie del foyu, precisamente-, cuando yera casona fundamentalmente, famosos partíos de vecinos de San Xuan contra los de Güerres y de solteros contra casaos, con motivu de les fiestes patronales, que son pa la Virxen del Rosariu y celébrense n'época seroña, allá pal primer domingu d'ochobre.
Seguramente, con ocasión d'esos partíos, dalguna Hortensia, soltera o casada, de San Xuan o de Güerres suspiraría por dalgún mozacu o paisanu, de Güerres o de San Xuan de Duz. Les combinaciones de los suspiros de la mocina son munches. Puede faceles l'intelixente llector d'estos ensiertos. Puede, incluso, ponese a fabular sobre dalgún de los hipotéticos ensiertos posteriores a aquelles contemplaciones, enuaguaciones y sueños ente la hipotética Hortensia y dalguna de les sos variables combinatories (combinatories, que non "en combinación", o que tamién).
No hay comentarios:
Publicar un comentario