Pasáu mañana, miércoles, Día d'Asturies, Día de la Nación, Día de la Patria, como-yos guste (que, ye, además festividá llocal en munchos sitios, coincidiendo con Covadonga: Arcenoriu, L'Infiestu, Villaviciosa...) vamos celebrar los del PAS, colos nuestros socios de la URAS, la festividá patriótica.
Facemos un actu en Candás a les 13:30, na escalera La Gabiana, delantre'l «Monumentu a la mina y a la mar», y llueu vamos tener una xinta de xeremandía.
Por supuestu, queden invitaos todos ustedes a ello: a l'actu políticu a la 1:30 y, si quieren, pueden comer dempués con nosotros (previu pagu'l cubiertu, claro).
Pero, en tou casu, invítolos a l'actu. Prestaríamos velos perillí, recordando que somos un pueblu con orgullu y qu'entovía cree en sí mismu.
¡Feliz día d'ASTURIES!
1 comentario:
VAYA CONVIDADA MÁS PROBE Y MURNIA. Enllena de faltes ortográfiques y ensin ilusión nenguna pol actu nin pol convite. Nun sedría meyor facer una espicha abierta a toos? Nun yera eso de que la comida, como hermanos, que se comparte. Paez ser que'l dichu que meyor pega ye'l de "El dineru como xitanos", caún que pague'l so menú a la carta y encima aguante'l mitin. vaya rollu.
Publicar un comentario