Nun cabe dulda de que a Ángel Carromero nun-y pintó bien en Cuba, en relación colo que-y tendría pasao n'España o n'otru país democráticu dempués del accidente nel que morrieren, guiando él, dos opositores cubanos, Oswaldo Payá y Héctor Cepero.
 |
| Ángel Carromero |
Verdá ye tamién que, posiblemente, como él denuncia agora, lu perxudicó la filtración de les sos multes equí n'España mentestantu la cellebración del xuiciu en Cuba. Y de xuru qu'esa filtración tuvo tola mala intención del rencor y del velenu políticu, sea una filtración dende una persona d'un partíu rival (n'España el sectarismu ye una enfemedá psiquiátrica y la utilización illegal de l'alministración y la xusticia una forma habitual de la pelea política y del sectarismu), sealo dende ún del propiu partíu. Agora bien, la forma na que'l diputáu del PP y presidente de Nuevas Generaciones de Madrid, desplica eses multes diz munchu de quién ye'l tipu y la so personalidá. Nun pongo axetivos, llean con atención (Carromero enseña'l rau). Diz él que
de las 45 multas en un año que se le atribuyen a Carromero, 43 son de aparcamiento y no todas de él, ya que el coche está a su nombre pero es utilizado también por otras personas de la familia, como su madre y su hermana. De las otras dos, que son de tráfico, una es por hablar por el teléfono móvil, algo que —recuerda— hace mucha gente aunque esté multado, y la otra por conducir a 160 kilómetros por hora en la A3.Pues nada más, pela boca...
No hay comentarios:
Publicar un comentario