Estimada, anque'l sitiu pa facer la pregunta nun ye mui afayaízu, contesto a lo que m'entrugaste. Tó aclarar enantes que tuve buscándote per otros medios díxito-llétricos pa date una respuesta per meyor camín, pero nun te topé.
Efectivamente, hubo un magníficu llibru, de formatu apaisáu, tituláu Flores de Asturias, perútil poles sos fotos, la so organización (axuntábense por collores) y les sos desplicaciones. Taba fechu por Juan Álvarez-Riera, Emilio Rico y Rosa María Simó. Na semeya de la primer edición (1979) los autores son tres rapacinos de poco más de venti años. Agora supongo que teñirán canes (si tienen daqué que peñar) y llendarán nietos.
Hai tamién una Guía de las joyas de la botánica de Asturias, de Tomás Emilio Díaz González (2009), que fue compañeru míu en Montelarreina.
Nestos momentos, la guía más amplia ye la d'asturnatura.com, onde, además, nuna estaya les flores tán clasificaes por collores. Al mio gustu, esta guía tien un problema pa los aficionaos, les esplicaciones son eshaustives y non siempre escesivamente clarificadores les semeyes.
No hay comentarios:
Publicar un comentario