Como se sabe, la Llei Wert esluye l'asturianu de la enseñanza, como yá denuncié fai tiempu. Ello débese a que los asturianos nun pintamos nada porque nun queremos. Pero, sobre tou nesti casu, a un desconocimientu absolutu en Madrid de la propia llegalidá constitucional y de la realidá xurídica d'España.
Esa situación provoca inquietudes n'Asturies. L'Academia manifiéstase, los sindicatos manifiéstense, organizaciones sociales manifiéstense. Esmolecíos toos, claro.
La Conseyera d'Educación, doña Ana González, diz que lo arregló (nun se sabe si bien dafechu o solo regular) col ministru Wert. Espupendo o parcialmente estupendo (Sociedad y Cultura) .
Yo, polo mio parte, trato d'arreglalo onde se pueden arreglar estes coses.
Pero, de toes maneres, nun puedo dexar de reíme: resulta que toos aquellos que nos acusaren de "traición" (a mí y al PAS) por conseguir llevar alantre la Llei d'Usu y Promoción, que nos insultaren y que nos retiraren el votu (empicipiando pola Academia, siguiendo polos sindicatos y les organizaciones sociales y los sedicentes asturianistes), y qu'afirmaren que la Llei yera una mierda y que nun valía pa nada, AGORA LLOREN Y PIDEN DE RODÍES QUE SE CUMPLA LA LLEI Y CALTENGAN LOS SOS CONTENÍOS.
¡AQUELLOS QUE NUN QUIXEREN SENTINOS, POR MÁS QUE-YOS LO DIXIMOS, QUE LA LLEI YERA LO ÚNICO QUE SE PODÍA TENER, Y LO ÚNICO QUE SE DIBA TENER EN MUNCHU TIEMPU, Y QUE YERA UNA LLEI CON MUNCHU VALIR SI HABÍA UN GOBIERNU (O UNA COALICIÓN) QUE QUISIERE APLICALA!
PUES, ESOS, AGORA LLOREN POR ELLA Y PIDEN QUE SE CUMPLA.
¿QUÉ YERA LO QUE DICEN QUE DECÍA XOVELLANOS AL MORRER? ¿ALCUÉRDENSE?
PORQUE TOOS ELLOS FICIEREN LO POSIBLE PA FACER IMPOSIBLE LO POSIBLE, Y PA FACER MURUEQUES L'ÚNICU EDIFICIU LLEVANTÁU.
Yá ven la situación ye preocupante, pero, na perspectiva, nun dexa de dar pa char unes rises.
No hay comentarios:
Publicar un comentario