Como saben, una circular del IES númeru 1 de Xixón, que pedía a los pás que dieren permisu pa que los profesores pudieren atayar y tornar a los neños cuando los lleven de viaxe, llegó a la prensa y afaló los agullíos y llamentos de los agulladores y llamentadores ensin bocana.
Pero, ensin entrar nel fondu la cuestión, solo quiero señalar una cosa: QUE CUALQUIER PROFESOR QU'ACOMPAÑE A LOS ESCOLINOS FUERA'L RECINTU ESCOLAR (PER UNES HORES O PER UNOS DÍES) YE UN INCAUTU, O UN INFELIZ, O UN INCONSCIENTE, O.
Porque si pasa daqué y se ponen a ello, puede ser responsables hasta de que'l ñeñu caiga y ruempa un brazu, por non agarralu pa evitalo, y, al revés, de garralu pa evitalo, por tener contactu físicu con él o violentar la so intimidá.
¿La culpa? De los gobiernos, d'equí y d'ellí, y de los xueces, que nada saben del mundu y son proclives a pensar que siempre hai una causa o un responsable de tolo qu'ocurre (hasta de nun prevenir los terremotos, como dicen dellos xueces italianos o de qu'una muyer caiga n'acera), y de la mayoría los sindicatos que siempre tán a la escontra de lo qu'ellos llamen "l'autoritarismu del profesor" y a favor de lo qu'ellos llamen "los derechos de los escolinos".
ASINA QUE REPÍTOLO: CUALQUIER PROFESOR QU'ACOMPAÑE A LOS ESCOLINOS FUERA'L RECINTU ESCOLAR (PER UNES HORES O PER UNOS DÍES) YE UN INCAUTU, O UN INFELIZ, O UN INCONSCIENTE, O OTRES PALABRES QU'ENTAMEN PER "I" O PER OTROS FONEMES.
¿QUE QUIEREN QUE LES COSES SEAN DE OTRA FORMA? PUES QUE CAMUDEN LES LLEIS, QU'A LOS PÁS (A CIERTOS PÁS), A LOS ESCOLINOS (A DALGUNOS ESCOLINOS) Y A LOS SINDICATOS (A CASI TOOS) NUN HAI FORMA DE CAMUDALOS.
¡AH, Y NUN ESCAEZAN QUE NUN TAMOS SATAMENTE NUNA DEMOCRACIA, SINÓN NUNA SOCIEDÁ ONDE CADA DÍA VAN A MÁS LA BABAYOCRACIA Y LA TONTOLCULUCRACIA!
No hay comentarios:
Publicar un comentario