Tengo un montón de temes esperando p'asoleyalos equí, nesti blog, pero paezme qu'esti ye de los más urxentes. Talo como s'alcordara yá fai más de seis meses nun de los caberos Conseyos Europeos, va ponese en marcha una variante de la "tasa Tobin" (hai munches interpretaciones de lo que pretendía Tobin con ella). En tou casu: 1) Ye una tasa sobre les transacciones financieres y 2) Yá taba prevista facía tiempu.
Y agora, fecho público esto, que yá fai tiempu que se sabía que diba facese, ¿qué van decir los que pensaben que'l gobiernu del estáu inventó l'impuestu cero sobre les cuenstes bancaries solo pa fastidiar a don José Fernández y a la Ilesia de la manzorga asturiana? ¿Nun aplaudirán agora, ellos que lleven tantu tiempu clamiando pola "tasa Tobin"? ¿Allegraránse? ¿Dirán tamién lo mesmo los catalanes?
En tou casu, y pesie a que la UE repite'l mesmu cantar que tolos que punxeren la tasa/impuestu de que nun van pagalo los ciudadanos, sinón los bancos, ¿quién lo va pagar más que los usuarios, directamente, y los ciudadanos toos, dempués?
Por cierto, son once estaos los que se sumen a la tasa (Austria, Alemania, Bélgica, España, Estonia, Eslovenia, Eslovaquia, Francia, Grecia, Italia y Portugal) y cálculase que se prodríen recaudar 37.000 millones d'euros.
No hay comentarios:
Publicar un comentario