A cada triquitraque apaez una noticia sobre les males condiciones de los monumentos del arte asturianu (mal llamáu "prerrománicu", con esa voluntá reductora de lo nuestro que tenemos). Últimamente fálase muncho de les pésimes condiciones de Santuyano, a la entrada d'Uviéu (onde la panaderina del cantar), especialmente de cómo tán afectando les homedancies a les pintures.
Ye natural que sea asina, nin PSOE nin PP nin IU tienen el menor interés real (fuera de la retórica) pol nuestru patrimoniu, reflexu del so menospreciu por Asturies y de la so sumisión a Madrid.
Y pa encima, tenemos qu'asistir a los retroliques d'unos y otros sobre si hai cuatro perres o nun les hai nos Presupuestos del Estáu pal 2013 pal arte asturianu.
Por cierto, nun taría más recordar que nel 1998, a propuesta nuestra y dempués d'intentalo tres vegaes, el Parlamentu Asturianu aprobó, por unanimidá, retirar l'autopista del entornu de Santuyano. ¿Viéronlo vustedes? ¿Van velo? ¿Ficieron daqué?
En fin, que caún tien lo que quier tener.
No hay comentarios:
Publicar un comentario