La economía: vuelve'l créditu

Como equí-yos venimos diciendo fai tiempu, les coses tán diendo a meyor y, salvo catástrofes, ello dirá per esi camín y antainando.

La noticia del crecimientu del créditu, dotramiente, yá-yos diera noticia va poco.

Ver esti artículu de Kike Vázquez (Vuelve'l créditu) n'El Confidencial.

Europa: falsos arreglos o arreglos a medies

La cume del miércoles p'abordar los problemes de:

a) los impagos de la delda en dellos países, especialmente n'Europa,
b) los problemes de capital de los bancos,
c) los problemes de los bancos que tienen delda pública,
d) los problemes del costu de la "venta" de delda soberana;

la cume, digo, pa solventar too ello acabó, como casi siempre n'Europa, nuna "patada a seguir". Porque, pesie a la euforia de les bolses, a la "quita" de Grecia y a les palabres d'Obama, la mayoría los asuntos siguen ensin resolver, otros aplácense y créense otros nuevos.

Al mesmu tiempu, a la banca española y a la economía española (especialmente a la disponibilidá de dineru pal créditu) créase-y un problema añadíu.

Pa que vean dalgunos d'estos asuntos (otros prometo tratalos o desplicalos n'otru momentu) invítoles a lleer esti ensiertu de McCoy n'El Confidencial.com: "Saben aquel que diu que van 27 dirigentes europeos…"

El más "llistu", na Moncloa

Meyor dicho, non "el más llistu", el meyor. Porque Rodríguez Zapatero (J.L.) fue escoyíu el meyor d'ente los suyos nel congresu que ganó a Bono (por cierto, cola gabita de los socialistes asturianos). Y dempués fue revalidáu dos veces como'l meyor (o sea, el más llistu) polos sos votantes. Nuna palabra, que ye'l más destacáu, el más espabiláu y el más selectu de los socialistes.

Bueno, pues a la babayada de los 9.300 millones d'euros de dineru chinu que diba venir pa delda y caxes (y que como saben tolos llectores nun hubo inxamás) hai qu'arreya-y otra riestra de babayaes de tochín que lleva diches, ensin saber lo que decía. Pa nun dir al mio archivu, y sólo de memoria, cuando en Túnez dixo que les tropes de toles naciones teníen que retirase d'Irak vinieron los "asesores" de la Moncloa a decir que se lu interpretara mal. Otra: cuando inauguró'l centru informáticu de control de tráficu de Lleón afirmó que "aquel centru diba retirar a tola Guardia Civil de les carreteres" (dempués, otra vegada, los "asesores" de la Moncloa tuvieren que decir que nun yera aquello lo que quisiere decir. Etc. (Si fai falta, hai más).

De mou y manera que yá lo ven: el más llistu de los socialistes, el más preparáu, refrendáu como talo una y otra vegada por militantes, diputaos, senadores y votantes.

¡Ah! ¿Que nun ye él? ¿Que son los asesores? ¡Pues peor! Porque tien más de seiscientos y escuéyelos él (o el partíu).

!VIVA'L VOTU ÚTIL¡ !VIVA'L VOTU PROGRESISTA!

PSOE e IU: siempre compromintiendo

Cuando oigan falar a los nuestros gobernantes, recuerden los cientos d'exemplos que conocen d'ellos.

Por exemplu recuerden la semeya de Nacho Oreja del 07/11/2008 pa La Nueva España: Areces nel centru colos representantes de los principales bancos celebrando les medides recién roblaes pa reactivar la economía asturiana y el créditu:

Relacionada cola semeya tenemos la noticia de La Nueva España del 15/01/2009:

Asturias activa la «hipoteca protegida»

El Gobierno regional pone en marcha sus avales a los créditos hipotecarios para 6.000 familias que adquieran vivienda protegida edificada a lo largo de este año [...]

Esta línea de avales beneficiará a un máximo de 6.000 familias, según los cálculos del Ejecutivo regional [...]

El Principado busca con ello superar las dificultades para acceder a un crédito, así como mantener el empleo en el sector de la construcción. Según los primeros cálculos, el plan de avales sostendrá unos 7.000 puestos de trabajo [...]


Y agora (2 años dempués) vean la realidá en La Nueva España del 13/12/2010

Ningún asturiano ha recibido el aval público prometido para adquirir vivienda protegida

El Gobierno regional no ha avalado a ninguna de las 6.000 familias asturianas que prometió respaldar ante los bancos si necesitaban un crédito para comprar una vivienda de protección oficial [...]