Luis Fernández Valdés, “Ludi”, ye ún de los grandes escritores asturianos (y españoles) de triba festiva. Dalgunes de les sos composiciones, como “Le castello sangrienti”, formaren parte del acervu oral y ocurrencial de munches xeneraciones de xixoneses y asturianos. Dalgunes otres, como la dedicada a los efectos de la gripe del 18, son pieces maestres del humor negru universal.
Como otros escritores de la dómina (talu “Marcos del Torniello”, del que yá faláremos nun ensiertu anterior d´esti blog), García Valdés ye un magníficu versificador y narrador, además de un sollerte observador de la realidá. Pueden comprobalo nuna selección de la so obra, Un kilo de versos, llibru que seguramente reposa nes estanteríes de munchos xixoneses y asturianos.
Pero, además, Luis García Valdés escribía tamién con una gran variedá métrica y estrófica, na llinia última de la modernidá de la época, la del modernismu especialmente y, en parte, la de les vanguardies.
Ofrecemos güei esti caligrama, que casi tolos años enseño yo a los mios escolinos de 2º de Bachiller, como una muestra de caligrama vanguardista, pero tamién como un poema costumbrista y d'amor a la patria.
¿Daquién da más en materia de caligrames?
No hay comentarios:
Publicar un comentario