Vidacord, presidida por un xixonés, don Ángel Álvarez Ramos, ye una empresa que se dedica a conservar el cordón embeligral de los ñacíos a fin de caltener la so potencialidá futura como instrumentu pa reparar enfermedaes de triba xenética, sanguínea, autoinmune, etc.
Durante munchu tiempu, Vidacord tuvo intentando allugase n'Asturies pero nun pudo facelo (yo tuve na televisión con don Ángel nos momentos nos qu'él entovía pensaba qu'esti yera un país normal y nos qu'entovía se facía daqué ilusión de poder llevantar equí la empresa), non lu dexaren. Ficiéron-ylo imposible la inutilidá y zuna permanente del Gobiernu asturianu y l'habitual runfíu escontraforgosu de los poseídos pol discursu holísticu-totalitariu de lo público.
En sustancia, los defensores de lo público (que vienen ser el pulpu de les mil cabeces que somorguia esta comunidá nel atrasu y nel misoneísmu) veníen argumentar que, d'haber un bancu de cordón embeligral tenía que ser públicu. ¿Razones? Como siempre: los argumentos o pretextos miles; les razones sólo dos: el prexuiciu místicu-relixosu de lo público como única fonte de verdá y bondá; y la voluntá de que nada escape al control de les persones y grupos que yá tienen el control de too n'Asturies. Arréyen-y a ello un poco la salsa universal y gratuita del misoneísmu y conservadurismu con que s'acompañen les mentalidaes n'Asturies y van tener el resultáu:
¿Hai bancu de cordón embeligral públicu n'Asturies? Non. ¿Pudo establecese Vidacord n'Asturies? Non. ¿Les persones asturianes que quieren conservar equí'l cordón los sos fíos pueden facelo? Non. ¿Pudo Vidacord establecese n'otru sitiu n'España? Sí. ¿Los 40 empleos cualificaos qu'anició tan n'Asturies? Non. ¿Tán n'otru sitiu? Sí. ¿L'afalamientu tecnolóxicu de que puede servir dase n'Asturies? Non. ¿Los impuestos págalos n'Asturies? Non.
¡Ah, ¿pero tán contentos los sacerdotes chamanes (y beneficiarios) de lo público? Sí.
Entós, ¿pa qué queremos más?
1 comentario:
Pues así es. Es un claro ejemplo de la cerrazón de los políticos. Ahora lo peor es que igual les entran las prisas por abrir el banco público de sangre de cordón en el Principado que se anunció en su día. Que no se ha hecho porque Asturias no da de sí para mantener esa indraestructura...
Y mientras tanto, hoy es el día en que todavía no se permite guardar para uso privado la sangre de cordón en los hospitales públicos asturianos. ¡Viva la democracia, y el respeto a los ciudadanos y ciudadanas!
Publicar un comentario