Vaigan preparándose. Como si nun hubiere subío abondo estos años (el canon de saneamientu subiera yá un 30% dende`l 2006), l`agua va seguir subiendo. Agora`l pretestu ye la Unión Europea, que publica una directriz pa que los precios del agua s´averen a los costos. Hasta equí, too bien, en teoría. Agora bien, si desaminamos les coses con calma, vemos que lo que se pretende ye un auténticu atracu, y además, indiscrimináu. Por partes:
En primer llugar les palabres del Mercuriu de la subida, Jorge Marquínez, el presidente de la Confederación Hidrográfica. Según él, "El hecho de que Asturias sea una comunidad húmeda es una cuestión que favorece el mal uso del agua, dada su aparente abundancia. Na so opinión, «el agua es hoy demasiado barata, lo que implica que la gente no haga un buen uso de ella y se infravalore». Ente los oxetivos d`esa política de precios -señala Jorge Marquínez (afalador, ente otres coses, de la disparatada decisión del Parque de los Picos anticonstitucional)- esta l`evitar el despilfarru.
Ye posible que notres partes d`España y d`Europa se despilfarre. Nun ye esi`l problema. La cuestión central ye que n`Asturies suébranos agua, y que, inclusive, en dellos meses del añu, tamos fartucos d`agua, salnos hasta pelos güeyos. Y, sobre tou, además, nós consumimos l`agua nuestro: nun la tomamos de Murcia, d`Almería o La Mancha. Tampoco podemos esportala. De mou y manera qu`inxamás tenemos déficit global d`agua y que los nuestros recursos hídricos, por nun ser escasos, nun tienen de sí un costu eleváu.
Pero eso non importa a los políticos centraliegos. Lo primero, porque son incapaces de pensar en términos d`Asturies, esto ye, en términos autónomos y autonómicos. Lo segundo, porque`l so interés ye`l de caltener el discursu corriente, yá sea`l discursu políticamente correctu, yá sea`l discursu dominante nes instancies del poder européu o madrileñu. Lo tercero, porque toos ellos tienen una voluntá autoritaria y el mayor disfrute de só ye`l d`apretar a la población hasta afogala, sometela al caprichu de les sos teoríes y, como colofón, xurga-yos nel bolsu pa saca-yos les perres.
Y como lloréu de todo ello, pretenden que, cuando nos encloyen una cotolla per salva sea la parte, sonriamos con agradecimientu (y quiciabis con placer). Mírenlo: «Estoy seguro de que la gente aceptará el traslado de los costes medioambientales y de saneamiento», asegura Jorge Marquínez.
No hay comentarios:
Publicar un comentario