Sobre l'ensiertu "Todos iguales: PP, PSOE, IU (sobre financiación)" dizme un comunicante anónimu:
«Penriba, dediquense al discutinui de quien ye mas inutil. Y los garrotazos que yos sobren, pal asturianismu.Esto nun tien igua, ye pa "cagase".Non siempre te entendí Xuan, agora digote una cosa. Nun se de onde saques les fuerces nin. Porque equi nun hai onde colgar un candil.»21 de marzo de 2009 0:13
Sobre agradece-y les sos palabres, arrespuéndo-y:
Tien razón el comunicante, nun hai munchos sitios onde colgar el candil (o onde colgar una felástica, que decía'l mio amáu Manuel Méndez Méndez, “Capitán”); a lo meyor, nin siquier ónde colgar el gabitu`l candil.
¡Pero qué vamos facer! Ún sigue esperando que munchos de los sos conciudadanos descubran en dacuando qu'hai actividaes más placenteres que ser sodomizáu con una cotolla. Y sobre tou, qu'esisten actitudes humanes más decoroses que, pa encima, quedar eternamente agradecíu por selo.
Hasta la llegada d'esi día (si ye qu'aporta) que, polo menos, éstos nun crean que toos comulgamos con ruedes de molín de cíclope y, menos entovía, que somos servidores sumisos, contentos de que nos vendan a los sos señoritos de Madrid a cambiu d'unos cuantos céntimos pa ellos y les suebres del so festín pa nós.
No hay comentarios:
Publicar un comentario