L'alcalde d'Uviéu, don Agustín Iglesias Caunedo. Acaba de decir:
Nun hai por qué gastar les perres del IBI en folixes
Bueno, o al so castellán mou y manera:
No hay por qué gastar el dinero del IBI en conciertos de San Mateo
Porque ye verdá que un ciertu "derechu" a entretenese poles patronales esiste. Y que nun ta mal que, en principiu, l'Ayuntamientu ponga dalgo pal entretenimientu de la xente, o, polo menos, esa ye la tradición.
Pero nun ta nada mal que se nos recuerde que l'Ayuntamientu nun pon inxamás perra dalguna, que les perres son los ciudadanos colos sos impuestos les que los ponen. Y que los "derechos" que son devengos nun esisten más que si se quiten a unos -con más o menos xusticia, con más o menos consensu- pa da-ylos a otros.
Y, de pasu, l'alcalde d'Uviéu, el señor Caunedo, nun fai un mal movimientu políticu. Porque más fácil ye que los que paguen l'IBI-y agradezan lo que diz y fai (nun gastar les perres de lo que-yos saca), que qu'aquellos a les que se-yos da gratis ensin dalguna contraprestación (por exemplu, el moceríu que nun trabaya pero qu'espera que-yos pongan gaita y tambor gratis pa entretenese)-y dea les gracies y lo reconoza.
No hay comentarios:
Publicar un comentario