Llevaba un tiempu detrás de la identificación d'esti arbustu. Güei, gracies a Alejandro Velázquez, profesor de matemátiques, collaciu del institutu y gran conocedor d'árboles y plantes, yá sé qué ye, una mahonia, creo que, en concretu, una Mahonia Bealei.
La mahonia bealei o berberis bealei, ye un arbustu de fueya perenne nativu de China, qu'aporta crecer hasta dos metros d'altura, con flores marielles hacía el mes de xineru.
Ente los meses de mayu y xunetu les fueyes camuden en collor encarnáu y los sos frutos son racimales de color azul, que-yos presten muncho a los páxaros.
Son comestibles y contienen muncha vitamina C.
Les especies del xéneru Mahonia reciben los nomes d'agracejo, bérberu o uva d'Oregón.
La semeya, en Colunga, al pie de Les Palmeres y casi enfrente'l Café de la Esquina. El 19/04/13.
No hay comentarios:
Publicar un comentario