Acaben de da-y el premiu Príncipe d'Asturies de les lletres a Antonio Muñoz Molina. Bien, ye un magníficu narrador que tresmite una visión del mundu de valores sólidos y tradicionales.
Estupendo, porque, además, vien a demostranos, por si nun fuera poco colos anuales gaiteiros y sidriñas, que tolos años se dicen nos medios estatales cuando nos quieren afalagar, Muños Molina acaba de demostranos, una vegada más, que nun somos nada, que nun esistimos (hai formes más groseres de decilo).
Amiren pa esti testu de Todo lo que era sólido:
El orgullo de lo autóctono nos parecía una señal infalible de estupidez, algo tan ajeno a nosotros y tan digno de burla como la retórica caduca de los juegos florales, o como aquellas pegatinas palurdas que se había puesto de moda llevar en la ventanilla trasera del coche: Zoi andalú, cazi ná. No me toques el pito que me irrito. De Madrí al cielo. Viva a Santiña, Covadonga, cuna de España.
Pues eso, que caún ye (nesti casu nosotros) lo que quier ser, nesti casu, nada.
Norabona a Antonio Muñoz Molina y al xuráu del premiu, al primeru pol galardón, a dambos por tenemos vuelto a demostrar la nada que somos, esto ye, la nada que tamos empeñaos en ser.
No hay comentarios:
Publicar un comentario