Sí, a votar, masque tea vusté roceanu. Porque de lo que salga y de lo que se combine (de quién gobierne) nel so conceyu o n'Asturies, les coses puen dir (un poco) meyor o (bastante) peor. O pue cumplise un sueñu d'esos que lleva vusté persiguiendo desayaque.
Ye verdá qu'un votu nun ye decisivu, pero toles sumes de votos algámense ún a ún. Y, a vegaes, un votu ye decisivu. Pero, sobre too, si tolos votos que puen ser decisivos p'algamar escaños nun se presenten, entós nun s'algamen.
Y nun diga que nun tien a quién votar. Si ye asina, si lo cree de verdá, si nun tien a quién votar d'ente les decenes d'opciones que se presenten, ye qu'igual ye vusté un migayín repunante, o qu'espera qu'apaezan los anxelinos (non los homes) pa gobernamos, o, acasu, que desurda un Xesús que faga otra vegada'l milagru de los panes y los pexes.
Pero, incluso nesti casu, dalguién-y entrgugaría: ¿y vusté qué punxo pa ello?
No hay comentarios:
Publicar un comentario